US, Japan leh SKorea-ten North Korea an vau

United States, Japan leh South Korea chuan North Korea ram vauin, nuclear test a nei a nih chuan a chhanletna an pe ngei dawn tih an sawi.

Nimin khan South Korea first foreign minister Cho Hyun-dong, Japan vice foreign minister Takeo Mori leh US deputy secretary of state Wendy Sherman-te chuan Tokyo-ah press conference neiin, NKorea hi nuclear test nei tawh lo turin an vau a ni.

NKorea hian kumin chhungin ralthuam a enchhin fo a, ballistic missile pawh 20 chuang enchhin tawhin, heng zinga pakhat phei chu Japan kap thleng thei a ni. South Korea-in defence drill a neih avanga a lungawi lohna lantirin, kar liam ta pawh khan artillery sheel za chuang chu tuipuiah a lo kap chhuak bawk a, hei hi SKorea vauna atana ti a nih thu pawh a sawi nghal bawk.

Wendy Sherman chuan, "North Korea chu min tithinur zawnga che chhunzawm tawh lo turin kan duh a ni. A chetdan hi awmze nei lo leh, a chhehvel bial himna pawh tichhe thei a ni," tiin North Korea-in nuclear test a nei a nih chuan khawvel pum himna thlengin a nghawng thei tih a sawi.