Korean Indona vanga chhungkaw ṭhendarhte inhmuh hun siam turin SKorea-in NKorea hnenah rawtna thlen

South Korea chuan kum 1950-53 Korean War avanga chhungkaw eng emaw zat ṭhendarhte inhmuhkhawm theih dan tur ngaihtuah turin,NKorea chu inbiak­na neihpui a rawt.

South Korean Uni­fication Minister Kwon­Yong-se chuan, indona avanga Korea ram pahniha chhung­kaw ṭhendarhte an inhmukhawm leh theihna atan, South Korea sokar chuan North Korea sorkar chu inbiakna neihpui a, sawidun a duh a ni, a ti.

Kwon chuan ram pahnih official-te chu hemi chungchanga ngaihtuah hmaichhana an inbiak theih thuai SKorea sorkar chuan a beisei a ni, a ti bawk. Inbiakna hi rilru inhawng taka neiin, chhungkaw ṭhendarhte inhmuhtirna hun atan hian NKorea lamin a ni, hmun leh inbiaknaa ngaihtuah ho tura a duhte chu an ngaih pawimawh sak tur thu a sawi bawk. An rawtna a rang thei anga chhang turin NKorea chu an ngen nghal bawk.

Minister chuan indo laia chhungkaw ṭhen­darh zinga mite chu kum upa tak tak tawhte an ni a, hei vang hian Korea ram pahnihte chuan chhung­kua an inhmuh­khawm leh theihna tur hian ruahman­na a rang thei anga an siam a ṭul tih a sawi.

Ram pahnihte hian a hma pawhin chhungkaw ṭhendarhte inhmuh theihna hun an lo siamsak tawh a, an siam hnuhnung ber chu kum 2018, August thla kha a ni.