Soviet Union hruaitu hlui Mikhail Gorbachev a thi

Soviet Union hruaitu hnuhnung ber Mikhail Gorbachev chu kum 91 mi niin Thawhlehni khan a thi.

Moscow-a Central Clinical Hospital chuan natna khirh tak a neih avanga hun rei tak enkawl a nih hnuah Thawhlehni khan Gorbachev hi a thi tih a puang a ni.

Gorbachev hi kum 1985 aṭang khan Soviet Union hotu niin, kum 1991-a a kehchhiat thengin a kaihhruai a ni. United States leh Soviet Union bakah an thawhpuite, Western leh Eastern Bloc inkara innghirnghona, Cold War titawptu a ni bawk.

Kum 1991 khan Gorbachev hian banna thehlutin, Soviet Unoin bloc pawh ṭhiah a ni zui a, Cold War pawh a tawp zui a, Europe khawchhak lamate chu Soviet Union awpna aṭangin an zalen a, modern Russia a lo piang zui ta a ni.

Gorbachev hi Moscow-a Novode­vichy Cemetry-a a nupui, kum 1991-a thi, Raisa thlan bulah phum a ni ang. State chawimawina nen vui a ni dawn em tih erawh sawilan a la ni lo.