Sri Lanka sorkarin kar khatah ni khat chawlh pek belh

Sri Lanka sorkar chuan ei leh in lama indaih lohna thleng mai thei dinhmuna an din avangin, sorkar hnathawkte chu ei tur lam chi ching a, hna an thawk theihna atan kar khatah ni khat chawlh a pek belh.

Sri Lanka-ah hian public sector hnuaiah thawk mi maktaduai khat vel an awm a ni.

Mi maktaduai 22 vel chenna ramah hian kum 70 chuang hnua economy lama harsatna lian ber an tawk mek. Foreign currency an neih loh avangin ei tur lam chi, fuel leh damdawite chu ram dang aṭangin an la lut thei lo a ni.

Sorkar chuan sorkar hnahawkten thla thum chhung Zirtawpni apianga chawlh an dilna chu a lo pawmsak a ni. Sorkar chuan fuel indaih lohna avanga hnathawhna hmun panna lama harsatna neite puihna kawng khat leh, anmahni leh an chhungte tana an ei tur, thlai leh thei chinna hun an neih theihna atante phalsak an nih thu a sawi. Sorkar hnathawkte chu ei leh in lama indaih lohna thleng mek avangin chuktuah huan leh hmun dangah thlai chinna hmun siamte uar turin a chah nghal bawk.