Sri Lanka-in thla 6 chhungin USD tld 5 a mamawh : PM Wickremesinghe

Sum harsatna avanga talbuai mek Sri Lanka sorkar chuan mipuite nitin khawsak mamawh phuhru turin thla ruk chhungin USD tluklehdingawn nga tal a mamawh a, heng zinga USD tld 3.3 chu fuel lakluhna atan mamawh a nih thu prime minister Ranil Wickremesinghe chuan Thawhlehni khan Parliament-ah a sawi.

"Economy nghehna chauh chu a tawk zo dawn lo a, kan economy pumpui hian siamṭhat a mamawh a ni," tiin Sri Lanka eibar siamṭha tura budget lailawk, interim budget buaipuia hma la mektu PM chuan a sawi.

Mi maktaduai 22 vel chenna ram hian an ram chanchinah economy lamah harsatna lian ber tawkin, ramdang aṭanga fuel, damdawi leh fertiliser leina tur foreign exchange indaih lohna an tawng mek a ni. Sri Lanka cabinet chuan fertiliser lei nan India rama Exim Bank credit line kaltlangin USD maktaduai 55 puk tur chu pawm a ni tawh tih cabinet thupuangtu chuan a sawi a ni.