SAfrica police-in Grace Mugabe manna tur thupek tichhuak

South Africa police-te chuan Zimbabwe ram hruaitu hlui Robert Mugabe-a nupui, Grace Mugabe chu nikuma Johannesburg-a hmeichhe pakhat kut thlaka puh a nih chungchangah manna tur thupek an tichhuak.

Police-te chuan Nilaini khan Grace Mugabe manna thupek hi tichhuakin, he thil thleng chungchang report a nih tirh khan sorkar chuan dik lo takin Mugabe hi man theih lohin a hum niin a sawi.

Grace Mubage hian kum 2017, August 13 khan hotel pakhata model Gabriella Engels chu extension cord in a vua a, a chal pawh a kak phah nia sawi a ni. Grace-i hi a pasal, hetihlaia Zimbabwe president Robert Mugabe rualin South Africa-ah hian regional summit hmang turin a zin a ni. A thiltih avang hian complaint thehlutin, thubuai siamsak tura ngen ni mah se South Africa sorkar chuan Zimbabwe rama a kir a phalsak a ni. Zimbabwe rama an kir hnu rei vak loah Robert Mugabe hi president a nihna aṭanga paihthlak niin, sipaiten thuneihna an chang zui a ni.