NKorea-ah Cuba President a zin

Cuba President Miguel Diaz-Canel chu Pathianni khan North Korea-ah a zin a, a zin tur hi a hmain puanzar lawk a ni lo.

Cuba hi North Korea ram ṭhianṭha tlemte zinga mi a ni a, Cuba President zin pawh hi an lo lawm hle a, ram pahnihte inṭhianṭhatna ngheh zia a tilang a ni, an ti. Kum 1986 khan hetih laia Cuba President Fidel Castro chuan North Korea hi tlawhin founder-leader King Il-Sung chu meeting a lo neihpui tawh bawk. 

Kum 2016-a Castro a thih pawh khan North Korea hian ni thum chhung a sun a, a vuina inkhawma tel tur hian King Jong-un a thachhang dawltu, Choe Ryong-Hae pawh a kal a ni.