US hrekna siamin Iran mipuite harsatna a thlen lo ang : Mike Pompeo

US Secretary of State Mike Pompeo chuan US-in Iran hrekna a siam thar leh chuan a ram mipuite tan harsatna lian a thlen lo ang, a ti.

US hian Pathianni zanlai aṭang khan oil, shipping leh banking lamah Iran hrekna na zawk a siam chu a hmang ṭan a ni. Hei hi Iran-in firfiak a thlawpna titawp tura a nawrna kawng khat a ni tih a sawi.

Pompeo chuan he hrekna thar siam oil market aṭangin Iran chu hrek a ni dawn a, finance sector lama Iran thawhpui mimal leh company 600 a nghawng tel dawn tih a sawi a, mahse hei hian Iran mipuite harsatna lian a thlen dawn lo tih a sawi. He hrekna hi Iran thiltih dan dik lo zia hriattirna leh, Israel leh ram dangte venhimna tur a nih thu a sawi.