Bahrain eptu hruaitu damchhung tâng turin hrem

Bahrain eptu hruaitu, Sheikh Ali Salman chu Qatar ram tana enthlatua ṭanga puhna thubuaiah thiam loh chantir a ni a, Court of Appeal chuan damchhung tâng turin a hrem.

Bahrain High Court of First Tier chuan Salman hi Qatar ram thawhpuia puhna chungchanga thiam a lo chantir tawh a, mahse Court of Appeal-ah thlen a nih hnuah thiam loh chantir a ni leh ta a ni. Bahrian hian kum 2017 khan Qatar nena an inzawmna hi alo chhut chat tawh a ni.

Human rights group Amnesty chuan court thutlukna hi sawiselin, rorelna dik palzutna a ni tih sawiin, Bahrain thuneitute chuan sorkar dodaltute a hrekbet chhunzawm zel niin an sawi. Sheikh Ali Salman chu boruak muanawm tak hnuaia a duhzawng sawichhuak leh tilang tura zalenna a neihte a hman avangin man a ni tiin Amnesty Middle East and North Africa director Heba Morayef chuan a sawi.

Ali Salman hi Bahrain sorkarin dan pawna a hnawl tak, Al-Wefaq movement hruaitu a ni a, kum 2011 khan Qatar sorkar nen Bahrain sorkar duh lohna lantira buaina chawkchhuakah puh a ni. Salam bakah eptu hruiatu dang Hassan Sultan leh Ali al-Aswad te pawh dam chhung tâng tura hremna pek an ni bawk.