NKorea-in ballistic missile a kapchhuak leh

South Korea Joint Chiefs of Staff chuan nimin khan North Korea chuan a ram khawchhak lam tuipui kamah ballistic missile pahnih a kapchhuak leh niin a sawi. Hei hi NKorea-in tun thla chhunga missile enchhin parukna a ni.

SKorea chuan an ram huna zing dar 8 velah NKorea khawchhak lam tuipui kam, Hamhung aṭangin ballistic missile ni ngeia hriat pahnih hi kahchhuah a nih thu a sawi a, Japan economic zone pawn lamah a tla tih sawi a ni bawk.

NKorea hian US laka invenna turin venhimna lam pawh a thuam chhah dawn tih a lo sawi tawh a, ralthuam siam hna thawh chawlh lailawkte pawh thawh chhunzawm leh vek tawh a nih thu a sawi a ni.

Thawhlehni khan NKorea hian a ram khawchhak lam tuipuiah cruise missile pahnih a lo enchhin tawh bawk niin SKorea sipai chuan a sawi.