Israel-in kum 18 chunglam natna benvawn neite Covid vaccine dose lina a pe ṭan

Israel chuan Nilaini khan kum 18 chunglam, natna benvawn neite hnenah Covid-19 vaccine dose li na an semchhuak ṭan tih an sawi.

Israel hi khawvel ram zinga an ram mipui hnena Covid vaccine campaign kalpui hmasa ber zinga mi an ni. Nikum nipui aṭang khan booster shot a pek tur thu sawiin, tunhnai khan kum upa leh natna benvawn nei tan vaccine dose li na hi a pechhuak ṭan a ni.

Health ministry director Nachman Ash chuan campaign-ah bung thar an kai tih a puang a, taksa chak lo leh frontline worker kum 18 chinte chuan dose li na an la thei dawn a ni,a ti.

Pfizer vaccine dose li na lak hian vaccine dose bikima la tawhte chuan a let thum aṭanga let nga thlengin an taksaah natna do theihna, antibodies chak zawk an nei thei a ni.

Israel mipui maktaduai 9.4 zinga nuai ruk chuangte chuan vaccine dose li na an la tawh tih health ministry chuan a tarlang.