California ramkangin dollar tld 2 chuang hu kangchhia

Kumin chhungin US-a Calfornia state-a ram kang vangin dollar tluklehdingawn 2.6 hu thil a chhe tawh niin California Department of Forestry and Fire Protection leh National Interagency Fire Centrer chuan an sawi.

California-ah hian kumin chhung ringawtin ṭum 6,000 chuang ram a kang a, ram hectare 580,100 a zau a kang chhe tawh a ni.

State chanchina kangmei chhuak nasa ber, Mendocino Complex fire khan ni 35 chhungin ram hectare 186,000 chuang a kang chhe hman a ni. Tunah hian state hmarlamah hmun hnihah ram hi a la kang mek a ni.

Kar kalta Nilaini aṭanga ram kang thleng thar leh, Delta Fire chuan ram hectare 8,900 chuang a tuam tawh a, ṭhelh mih a la ni lo. Ram kang hian in panga a kang chhe tawh a, hliam tuar an awm hriat a ni lo a, mahse a chhehvela chengte chu insawnchhuak tura hriattir an ni. Ram kang vang hian Shasta County-a Interstate 5 highway pawh khar a ni. State khawchhak lama ram kang, Hirz fire chuan Shasta National Foresty hmun ṭhenkhat a kang a, mahse he kangmei chhuak hi 80% vel chu ṭhelh a ni tawh.