World Bank-in S.Africa tan $mtd 750 puk tir dawn

World Bank chuan South Afirca-a Covid-19 hri leng vanga retheihna leh eibar zawnna kawnga harsatna tawkte ṭanpuina atan USD maktaduai 750 puktir a remtih thu National Treasury chuan nimin khan a puang.

Africa continent-a economy lian ber dawttu, South Africa hian hri leng thawh lina na tak tuarin, mi 94,000 velin an thihpui tawh a, maktaduai 3.5 velin hri an kai tawh bawk a ni.

Hri leng vanga hun rei tak chhung inkharkhip kalpui a nih avangin eizawnna tam tak chu khar an ngaih phah tawh a, kum 2021 kha South Africa rama hna nei lo, jobless rate record san ber ṭum a ni.

"World Bank budget chhawmdawlna chu kan mamawh hunah tak kan hmu thei dawn a ni" tiin National Treasury director-general Dondo Mogajane chuan a sawi. Development policy loan kaltlanga an sum hmuhte hi Covid-19 vanga pawisa an hmanralte hmuhlet leh nan an hmang thei dawn tih a sawi bawk.