Nobel Prize dawngtu author VS Naipaul a thi

Nobel Prize in Literature lo dawng tawh, novelist Sir VS Naipaul chu Inrinni khan kum 85 mi niin a thi.

Naipaul hian a lehkhabu ziah avang hian chawimawina hrang hrang a lo dawng tawh a, kum 2001 khan Nobel Prize for Literature hi a dawng a, kum 1971-ah Man Booker Prize dawngin kum 1990 khan literature lama a thawhhlawk avangin knighthood pek a ni bawk.

Sir Vidiadhar Surajprasad Naipaul hi kum 1932, August 17 khan Trinidad-ah Indian Hindu chhungkuaah a piang a, kum 18 a nihin University College, Oxford-ah scholarship a hmu a, England-ah hian a khawsa zui ta a ni. Kum 1955 khan Patricia Ann Hale nen an innei a, a nupui hian kum 1996 khan thihsanin hemi hnu hian Paksitani journalist Nadira Khannun Alvi nen an innei leh a ni.

Sir VS Naipual hian lehkhabu 30 chuang a ziak a, heng zingah hian A Bend in the River leh a masterpiece, A House for Mr Biswas pawh a tel. A lehkhabu hmasa ber, The Mystic Maseur chu kum 1951 khan tihchhuah a ni.