Fuel awm loh vangin Palestinian-te dinhmun a ṭha lo hle: UN

United Nations humani-tarian affairs office chuan Gaza Strip-a fuel pekna tur sum a neih tawh loh avangin Palestinian mite dinhmun chu a ṭha lo hle a, hospital te pawhin damlo enkawlna turin electricity an mamawh hle tih a sawi.

UN associate spokesman Eri Kaneko-i chuan UN headquarters-a chanchin thar lakhawmtute a kawmnaah, hospital tan fuel hman tur an neih loh avangin mipuite hriselna dinhmun pawh a hlauhthawnawm hle tih a sawi a, hna an thawh chhunzawm leh theihna atan hian US dollar maktaduia 4.5 vel chu rang taka mamawh a nih thu a sawi a ni.

Eri Kaneko-i chuan Gaza tana back-up generator a hman tur fuel pek ṭhin chu sum awm loh vangin an fuel pek ṭhin, litre 950,000 hmun thuma ṭhena hmun hnih chauh an pe thei dawn a, hengte hi an semrual dawn tih a sawi. Sum hmuh belh a nih loh chuan August thla laihawl aṭang cuan emergency fuel an sem ṭhin pawh tihtawp a ngai tawh dawn niin a sawi bawk.