SAfrica-in ram laksak theihna turin danpui siamṭha dawn

South Africa sorkar chuan zangnadawmna pek kher ngai loa mimal ram laksak theihna turin an ram danpui siamṭhat a tum.

President Cyril Ramaphosa chuan kumin February thlaa president atana thlan tlin a nih khan land reform a lo tiam tawh a ni. President chuan ram neihsak theihna tura danpui siamṭhat an tum dan chu an ram economy tana thil pawimawh tak a nih thu a sawi.

South Africa rama hnam tlem zawk, mingo te chuan ram zau tak tak an nei a, mingo zinga loneitute chuan a leilung ṭha lai ram tam zawk an nei vek a ni. Hei vang hian sorkar chuan he ruahmana hi a siam ta nia ngaih a ni. Mingo ho ram neih zinga 10% chauh chu a neitu dik tak, mihang kutah pek kir a la ni.

Hetih lai hian sawiseltu lam chuan sorkarin danpui hi a siamṭha a nih chuan mimal ram chhuhsakna remchanga hman an hlauhthawn thu an sawi a, hetiang hi an ṭhenawm Zimbabwe ramah a thleng mek niin an sawi.