Mexico-a thlawhtheihna tlaah mi 85 in hliam tuar

Mexico-a Durango state-ah Thawhlehni khan mi 100 chuang chuanna, Aeromexico thlawhtheihna a tla a, thi an awm lo a, mi 85 in hliam an tuar.

Durango Governor Jose Aispuro chuan fligth AM2431 chetsualnaah hian thi an awm lo tih a sawi a, a chetsual hun hi an ram huna tlai lam dar 4 vel a nih thu sawiin, Durango aṭanga Mexico City pan tur a ni a, airport aṭanga a thlawhchhuah hnu lawkah a chesual zui niin a sawi.

Transportation Minister Gerardo Ruiz Esparza chuan thlawhtheihnaah hian khualzin 97 leh thawku pali an chuang niin a sawi a, airport enkawltu North-Central Airport Group (OMA) chuan thlawhtheihna chetsual chhan hi khaw chhiat vang niin a sawi. A chetsual lai hian ruah a sur a, thli pawh a tleh nia sawi a ni.