South Sudan-in MP-te car manah dollar mtd 16 seng

South Sudan sorkar chuan an rama tualchhung indona thleng mek leh retheihna avanga mipuite dinhmun rethei taka an din mek laiin Parliament member 400 te tan car leina tur loan dollar 40,000 ṭheuh a pe a, hei hian mipuite a ti thinur hle.

Parliament member-te hian tun thla tir lam khan Presidet Salva Kirr-a term chu kum 2021 thlenga pawhsei an lo remti tawh bawk. Sorkar chuan an rama tualchhung indona thleng mek vangin inthlan buatsaih theih a ni lo niin a sawi. Mipuite chuan MP-te hian President term pawhsei an remtih avangin sorkar chuan lawmman atan car loan hi a pe niin an ngai a ni.

President thupuangtu chuan sorkar thlavang hauhin, MP-te chu bike ringawt hmang tura beisei tur an ni lo tiin, car loan pek chu thiltih awm tak niin a sawi thung.

South Sudan ram mipui zahve ai tam hi ei leh in tur khamkhawp nei loin an awm mek a, an rama tualchhung indona thleng leh retheihna avangin mi maktaduai 3.8 chu an tlanchhe tawh niin World Food Programme (WFP) chuan a tarlang.