Egypt-ah thlan kum 2,500-a upa 2 hmuchhuak

Spain archaeological mission chuan Upper Egypt-a Minya Governorate-ah Saite Dynasty (664-525 BC) hunlaia mi thlan pahnih inzawm an hmuchhuak tih Egyptian Ministry of Tourism and Antiquities chuan Pathianni khan a puang.

He mission kalpuitute hi University of Barcelona mite niin, tu tihhriat loh thlan hi an hmuchhuak tih Supreme Council of Antiquities secretary-general Mostafa Waziri chuan a sawi.

Thlan chhungah hian hmeichhe pianhmang nei, chinai lung hmanga siam kuang a awm a, a bula kuang pakhatah taksa peng ṭhenkhat hmuh a ni bawk.

Mission director Hassan Amer chuan chinai lung hmanga siam kuang pakhat chhunga mihring hmel ṭha taka vawn ṭhat a la awm bakah hian kuang chhunga pot pahnih an hmuh thu an sawi.

Egypt ram chhung hmun hrang hrangah hman lai thil an hmuchhuak fo a, heng zingah hian pharoa thlan, mi lim, kuang leh mummy-te pawh an lo hmu tel tawh a ni.