Covid-19 vangin Ukraine President damdawi-inah dah

Ukraine president Volodymyr Zelenskiy chu Covid-19 a kai tih hriat a nih hnuah damdawi-inah dah luh a ni. 

President thupuangtu chuan kar tir lam khan President hian Covid-19 a kai tih hmuh chhuah a nih thu a sawi a, a tirah chuan in lamah a inkhung hrang a, mahse midangte nen an inhnimhnaih lohna turin damdawi-ina luh hi a duh leh ta zawk a ni, a ti. President hi a ngaihtuahawm lo a, damdawi-in lamah inenkawlna a ṭhat zawk avangin lut a ni tih a sawi bawk. 

Finance minister, defence minister bakah President Zelenkiy thawhpui hnai tak pawhin hripui hi an kai tih hriat a ni tawh a ni. 

Nilaini khan cabinet meeting chuan an rama hri kai an pun chhoh leh avangin hri darh tur venna atan kar tawp apiangin ram pumah lockdown puan a rel a ni. Ukraine-ah hian hri kai hmuh chhuah tawh hi mi 5,00,865 awmin, an zinga 9,145 chuan ah an thihpui tawh a ni.