WHO-in Covid zir chianna mipui hriatah tarlang lo : Garrett Grisby

US sorkara senior official Garrett Grisby chuan World Health Organization (WHO)-in China ramsa aṭanga conoravirus lo chhuah dan chungchang a chhuina chanchin kimchang a tarlang duh lo niin a sawi.

UN health agency member-ten meeting an neihnaah US department of health and human services-a senior official Garrett Grisby chuan WHO-in conoravirus a chhuina, China mission a neih chanchin kimchang chu ramdangte hriatah a tarlan loh thu a sawi a, ramsa aṭangin he hri hi a rawn darh chhuak reng em tihte chu hriat chian a la nih loh thu a sawi bawk.

Kumin July thla khan WHO chuan Covid-19 hri lo chhuah dan chanchin kimchang zirchiang tur leh, mihringa he hri lo darh chhoh dan zirchiang turin independenet panel chu China ramah ta tir dawn tih a puang a, an zir chian hun chhung tur hi thla ruk aia tam a ngai dawn niin a sawi.