China-in a satellite thar a kapchhuak

China chuan a satellite siamchhuah thar 'communication technology experiment satellite' chu an ram huna Thawhlehni zan dar 11.20 khan, Sichuan Province-a Xichang Satellite Launch Centre aṭangin a kapchhuak.

He satellite hi inbiakpawhna atana hman tur a nih bakah, radio, television leh data transmission atana hman tur a ni a, hemi rual hian Long March-3B rocket pawh kahchhuah nghal a ni bawk. He Long March-3B hi Long March series rocket mission 324-na a ni.

Satellite thar an kahchhuah leh rocket an kahchhuah hi Shanghai Academy of Spaceflight Technology leh China Academy of Launch Vehicle Technology ṭangkawp siamchhuah a nih thu China Aerospace Science and Technology Corporation chuan a tarlang.