Asia rama lui sei ber plastic-in tibawlhhlawh nasa

Asia rama lui sei ber, Yangtze River chu plastic hnawmhnawkin a tibawlhhlawh nasa tawh hle a, East China Sea leh a bul vel tuia khawsa ṭhinte nunna thleng pawhin a ti derthawng thei nia sawi a ni.

Yangtze River hi khawvela lui sei pathumna a ni bawk a, a lui sei zawng hi km 6,300 chuang a ni. China rama khawpui lian

ṭhenkhatte pal tlangin, heng zingah hian Shanghai pawh a tel a, East China Sea a fin a ni. Tun hnaia environmental journal tihchhuahah, Yangtze leh a peng lui hrang hrangah hian kumtin plastic hnawmhnawk paih hi ton maktaduai 1.5 vel a awm ziah niin a sawi a ni, khawvela lui tihbawlhhlawh nasat ber zingah a tel a ni. Luia chengte nunna chhanhimna turin China-a environmental group leh campaigner-te chuan lui thenfai hna hi an thawk ṭhin a, lui hnar lam hi an tifai ṭhin.