Iran panin Aizawl FC an chhuak

Aizawl FC chuan nimin khan AFC Champions League Playoff khel turin Mizoram an chhuahsan a, Mizo club hian player 20 an hruai a. Asia ram inelna sang berah hian foreigner pali ziah luh theih a ni a, AFC-ah hian Alfred Kemah Jarayan, Leonce Dodoz, Andrei Ionescu leh Masih Saighani te ziah luh an ni.

India ram aiawh Aizawl FC hian January 30, Thawhlehni zan dar 7:00 hian Zob Ahan Esfahan FC chu Foolad Shahr Stadium-ah an hmachhawn dawn a, hnehna an chang chuan AFC Champions League group stage khel turin an tling ang.

India ram aṭangin AFC Champions League group stage khel pha an la awm ngai lo. Season liam ta khan Bengaluru FC chuan Preliminary Round 2-ah Jordan club Al-Wehdat chu 2-1 in an hneh lo a, hemi hma hian Mohun Bagan chu China club Shandong Luneng Taishan lakah 6-0 zetin an mualpho.

Aizawl FC Squad
Goalkeepers (2) : Avilash Paul, Lalawmpuia.
Defenders (6) : Masih Saighani, R. Laldinliana, C. Lal­ro­sanga, Lalramhmunmawia (Tea), Lalrozama, Hmingthanmawia.
Midfielders (9) : Alfred Kemah Jarayan, Leonce Dodoz, Andrei Ionescu, S. Malsawmtluanga, David Lalrinmuana, K. Lalṭhathanga (Puitea), Sena Fanai, Rochharzela, Albert Zohmingmawia.
Forward (3) : William Lalnunfela, Jonathan Lalrawng­bawla, Lalkhawpuimawia.