Liverpool-ah Covid-19 test runpui nei dawn

United Kingdom (UK) sorkar chuan an ramah Covid-19 test runpun neih a tum a,  Liverpool khuaah ṭanin tunkar hian test runpui hi neih ṭan a tum. 

Test runpui neihnaah hian  Covid-19 natna (symptom) nei kher lote pawh test vek tura tih a ni a,  Zirtawpni aṭangin neih ṭan tura ruahmanna kalpui mek a ni.

Liverpool khuaa cheng leh hnathawka awm a tam thei ang ber test an ni ang.

Liverpool-ah hian Trace, Ministry of Defence, NHS Test leh Liverpool City Council chuan test runpui hi an huaihawt dawn a, test neihna kawnga pui turin sipai 2,000 vel dah an ni ang. Liverpool-a chengte leh hnathawkte hi PCR swab test neih tir an ni dawn a, hei bakah hian lateral flow test thar hman a ni dawn a, he test-naah hi chuan laboratory hman a ngai dawn lo a ni. 

Test an neih aṭanga positive-te result hi text leh email hmangin NHS Test, Trace leh Ministry of Defence chuan an la dawn a, an test aṭanga nitina hri kai thar awm chu an tarlang nghal zel bawk ang.

England ram zingah chuan Liverpool hi Covid-19 hri kai tamna khuate zinga mi a ni a, October 25 thleng khan kar tinin mi 1,00,000 zelah hri kai mi 410 an awm zel anga chhut a ni. 

Prime minister Boris Johnson chuan Liverpool khuaa test runpui neih a hlawhtlin dan azirin, ram chhung hmun dangah pawh Krismas hmain rapid test thar hi hman a ni dawn tih a sawi. "Test runpui neih hi Covid-19 dona tura kan hmanraw neih ṭhat ber a ni rih a ni," a ti.