US-in ram 100 chuang aṭangin ui lakluh khap

US health official-te chuan ui á hri la buaipuina, ram 100 chuang aṭangin kum khat chhung ui lakluh khap a ni tih an puang.

American Veterinary Medical Association president Douglas Kratt chuan he khapna thupek hi July 14 aṭanga hman ṭan tur a ni tih sawiin, ui vulh tur leh hralh tura lakluh tur pawh a huam vek tih a sawi.

Official-te chuan US-ah hian kum tin ram dang aṭangin ui maktaduai khat vel lakluh a ni ṭhin tih sawiin, ui hrisel ṭha chauh lakluh a nih theihna atan he khapna hi siam a nih thu an sawi. Hetih lai hian ngaihnathiamna ṭhenkhat erawh siam niin, mitdelten guide dog atana an hmante erawh chu US-a an luh rualin an hruai luh phalsak an ni thung ang.