Sri Lanka-ah whale 120 chhanchhuak

Sri Lanka navy leh volunteer-te chuan an ram khawpui, Colombo aṭanga km 25 vela hla,  Panadura tuipui lama tang, whale 120 chu nimin khan an chhanchhuak.

Navy leh coastguard-te chuan tuipui kama tangkhang, whale chhanchhuah  hna thawktu, tualchhung mi volunteer-te chu puiin, whale 120 chu tuipui lamah an hruai let leh tih navy thupuangtu Indika de Silva chuan a sawi. Hetih lai hian whale tangkhang zinga pahnih chu an thi a ni.  

Thawhṭanni tlai lam khan whalte rualte hi Panadura tuipui kamah hian chhuakin,  an tang zui a ni. De Silva chuan partrol craft hmangin whale te hi tuipui thuk lamah hruai kir an ni tih a sawi.