France airstrike-ah firfiak 50 chuang thi

France sorkar chuan an sipaiten central Mali-a airstrike an neihah Al-Qaida nena inzawm, firfiak 50 chuang an thi tih a sawi. 

Sorkar thuchhuah chuan sipaite hian kar liam ta Zirtawpni khan Burnina Faso leh Niger ramri bulah sipaite hian Islamic firfiakte beihpui an thlak tih a tarlang. 

France defence minister Florence Parly chuan Mali sorkai aiawhte nena meeting an neih hnuah sipaite beihpui thlak, Operation Barkhane tih hi neih a nih thu sawiin, firfiak 50 chuang an thih bakah an ralthuam eng emaw zat mansak an ni bawk a ni, a ti. Beihpui thlaknaah hian motorcycle 30 vel tihchhiah a ni tih a sawi bawk. 

Sipai thupuangtu Colonel Frederic Barbry chuan firfiak pali man an ni bawk tih sawiin, firfiak an beite hian sipai awmna hmun beih an tum a ni, a ti. Barbry chuan Greater Sahara-ah pawh beihpui thlak mek a ni tih sawiin, sipai 3,000 vel an tel tih a sawi.