Mali President leh PM-in banna thehlut

Mali President leh Prime Minister-te chuan sipaite an man aṭanga ni hnih hnu, Nilaini khan an banna an thehlut.

Mali sipaiten hian Thawhṭanni zan khan presidrent Bah Ndaw leh prime minister Moctar Ouane-te chu manin, Kali-a sipai hmunpuiah an hreng zui a ni. PM Ouane hian a cabinet siksawiin, military member pahnih chu a ban a, hei vang hian sipaite hi lungawi loin an hruaitu pahnihte hi an hreng zui nia sawi a ni.

Sipai hotu lu ber, vice president ni bawk Assimi Goita chuan cabinet siksawi dawn hian PM leh President hian an rawn lo niin a sawi a, an chet dan chu transitional charter palzutna lian tak a ni, a ti.

Nilaini khan an hren­na hmunah PM leh President hian sorkar palai awm laiin banna hi an thehlut tih Assimi Goita special advisor Baba Cisse chuan a sawi. Cisse chuan hruaitu pahnihte chhuah an nihna tur hian biakna neih mek a nih thu leh, sorkar thar dinna tur pawh buaipui mek a nih thu a sawi bawk.

United Nations, Afri­can Union, ECOWAS, EU leh United States chuan thuchhuah inṭawm siamin, Mali hruaitu pahnihte man an ni hi an dem thu leh thu delhkilh awm loa chhuah tura an phut thu pawh an lo sawi tawh a ni.