Egypt-in Gaza ramri a hawng leh ta

Egypt chuan thla hnih chhung Gaza Strip ramri a khar hnuah Thawhṭanni leh nimin khan a hawng leh. 

January thla khan Egypt court chuan Gaza Strip-a rorellai, Hamas chu firfiak pawlah a puang a ni. 

Egypt hian kum 2014 October thla khan venhimna lama venthawn thilah Gaza Strip ramri hi a khar a, a kar lakah darkar reilo te te a hawng chuah ṭhin. Tun ṭumah hian ni hnih chhung hawn a ni a, hemi chhung hian mi 1,200 velin ramri kaltlangin Egypt an luh rin a ni. Gaza aṭang Egypt pantu zinga a tam zawk hi zirlai leh damlote an ni. 

Hamas-te hian kum 2007 khan Gaza Strip hi an la a, hemi aṭang hian Israel leh Egypt chuan hun tam zawk chu Gaza ramri-te hi an khar zui a ni. Egypt hian kum 2013-a an rama Hamas thlawptu sorkar paihthlak a nih hnu khan ramri venna hi a tikhauh zual bawk.

Kum 2009 khan ramri hawn chhunga Gaza aṭanga Egypt-a lut hi mi  29,723 an ni a, 2010-ah 85,210, 2011-ah hian tlahniamin mi 52,437 in ramri kanin Egypt an lut. Kum 2011 khan  130,935 an tling a, Egypt President Mohamed Morsi paihthlak a nih kum, 2013-ah khan mi  152,278 in Gaza aṭangin Egypt an lut a ni. 


Share this Post

Login to comment
No Comments