Argentina-a thlawhtheihna tlaah mi 10 an thi

Argentina hmarthlang lamah European reality show film siam tumte phurtu helicopter pahnih a tla a, mi 10 an thi. Thite hi France mi pariat leh Argentina mi pahnih an ni. 

Helicopter pahnih hi Argentina khawpui, Buenos Aires aṭang hmarthlang lam km 1,170-a hla, La Rioja Province-a Villa Castelli bulah a tla a, an insu nia hriat an ni. France mi thite hi reality show, Dropped team member-te an ni a, he show hi survival program a ni a, Europe-ah hian version hrang hranga tihchhuah a ni, hemi hma hian Switzerland leh Denmark-ah shooting an lo nei tawh a ni. 

Villa Castelli mayor, Andres Navarrete chuan helicopter chetsual chhan tak hi hriat a la ni lo tih a sawi a, an tlak hnu hian nasa takin a kang zui tih a sawi. 

Helicopter tla zawk hi La Rioja Province ta niin a dang pakhat hi Santiago del Estero province ta a ni.


Share this Post

Login to comment
Latest Comments (1)
Remruata123 - 12th Mar 2015 08:02:35 AM

Vanglaini chanchin bu hi atha tak zeta chhiar pawh amanhla thin khawp mai. thil pakhat sawi ve ka duha. Vanglaini ah hian "Thlawhna" hi Thlawhtheihna tiin ziah anithina. adik lo deuh tlat. Mizo tawng ah chuan Thlawhna tih hi adik zawk awme. Airport pawh hi Mizo tawng ah chuan Thlawhna kirawn tih anibawk. kan tawng awmsa dik bawksi hi hmingdang phuah emaw tihdanglam afuh chiah angem ka ti ve mai mai. atheih chuan Tawng thar Mizo tawnga kan la neih loh phuah thar thin nizawkse aduhawm khawp mai. Entirnan thilthar achuaka Mizoram leilung arawn thlen phawt chuan Mizo hming lo pe ve zel ila. siamchhuak tu te hming pek emaw, hnamdang te koh dan anga hmang ve mai zel lo vin. chutiang a kan tiha mizo hming kan lo pek ve zel chuan tawng kan hosa tulh tulh ngei ang. Tawng awmsa tihdanglam erawh athaber lo vin ka hria. Mizo tawng tih hosak kawng ah leh hming phhuah kawng ah chuan kan mi leh pu te kha an ngaihsan awm ka titawp theilo. an thil hmuh leh hriat te chu Hming an lo phuah/sa ve zel thin. chu chu tun hun thleng hian kan hmang ta zela. thangthar te hian kan tluk lo hle ani. thangthar hun ah hian hming phuah emaw lam aiin hmingawmsa hnamdang te kohna chu kan ring zel ta zawk ani. hei hi athalokhawp mai.