Tualchhung boxing thu thar

Mizoram Boxing Association (MIZBA) buatsaih hian vawiin aṭangin Ramhlun Boxing Hall-ah Inter District Championship vawi 16-na an khel

ṭan a ni dawn a, Nilainiah referee leh judge exam buatsaihin - Ninganiah General Body Meeting neih zui tur a ni.

Inter District Championship bikah district tin atangin weight pakhat zelah boxer pakhat an tel theih. Senior mipa leh hmeichhia bakah junior mipa leh hmeichhiaah inelna weight hrang 10 a awm dawn a, sub-junior mipa leh hmeichhiaah inelna weight hrang 15 a awm ve thung ang a, tun kar Zirtawpniah championship khar a ni ang.

MIZBA chuan huam zau zawkin Mizoram hmun hrang hrangah boxing kalpui a nih theih nan ruahmanna a siam a, boxing-a tui si, tawnhriat nei lo tan pawh referee leh judge an nih theihna kawng hawnsakin pawl 12 pass chin a duh apiang tan a exam theih bakah, state level-a medal la tawh chin tan a exam theih bawk a ni.

Referee leh judge exam tur hian vawiin thleng Ring Official Commission Secretary Vulṭhavunga hnenah fee Rs 100 pek theih a ni.