Ivory Coast first lady jail-ah khung a ni

Ivory Coast first lady hlui, Simone Gbagbo chu kum 2010 inthlanpui vuakveta tharum thawhna thlenga inhnamhnawiha puhnaah thiam loh changin jail-ah khung a ni a, kum 20 chhung tang tura hrem a ni. 

Hetihlai hian a pasal, Ivory Coast President hlui Laurent Gbagbo pawh International Criminal Court-ah a thubuai ngaihtuah tura dah mek a ni a, a thubuai siamsak zingah hian tualthah leh pawngsual thubuai pawh a tel. Gbagbo hi an ram security ngai pawimawh loah puh a ni bawk. 

Kum 2010-a Ivory Coast president thlanna neih a nih ṭum khan Gbagho hi Alassane Ouattara a hneh lo a, mahse a chak lo zawk a nih hi a pawm duh loh avangin buaina nasa tak a chhuak zui a, mi 3,000 in an thihphah a ni. 

Kum 2011 khan President hluite nupa hi Abidjan-a an bihrukna hmunah sipaite'n an man. 

Iron Lady tia an sawi ṭhin, Simone Gbagbo hi man a nih hnuin Abidjan khuaah a thubuai hi ngaihtuah zui nghal a ni. Vantlang nunphung tibuai leh armed gang dinah puhin thiam loh chantir a ni. 

Simone Gbagbo ukil-te chuan a hremna hi tihnep sak turin an dil a, a fanu Marie Antoinettee Singleton pawhin a nu chunga ro rel dan hi a dik tawk lo tih a sawi.


Share this Post

Login to comment
No Comments