PM Modi leh Arun Jaitley ten economics chung-chang an hre lo : BJP MP

BJP MP Subramanian Swamy chuan Prime Minister Narendra Modi leh Finance Minister Arun Jaitley-te chu economics engmah hre lo niin a sawi.

Subramanian Swamy chuan Indian economy chu USA leh China dawta lian ber niin, khawvela a pathumna a nih laia PM-in India chu economy lian panga-na nia a sawi chhan chu a hriatthiam loh thu a sawi. "Engvangin nge PM hian a panga-na ni a a sawi chhan ka hrethiam lo a, economics lam hi a hre lo a niang, finance minister pawh hian economic lam hi engmah a hre lo" a ti.

Swamy hi Havard university aṭanga economics-a PhD neiin, he university-ah vek hian economics hi a lo zirtir tawh bawk. A hma pawhin Jaitley hi a lo sawisel fo tawh a ni.

Exchange rate aṭanga chhut chuan India chu khawvela economy lian panga-na a ni a, mahse exchang-te hi a danglam reng avang leh India pawisa hlutna hi a tlakhniam avangin hemi aṭanga chhut chuan India hi tunah chuan economy lian pasarihna a ni pha chauh a ni, a ti. Mahse economy chhutna dik ber chu Purchasing power parity (PPP) a ni a, hemi hmang chuan India chuan economy lian pathumna a ni, tiin Swamy chuan a sawi.