Venezuela President Nicolas Maduro chuan supermarket-a chaw lam chi lei tumte thui tak tak intlar a ngai ṭhin chu a lo sawisel tawh a, supermarket neitute chu chaw lam indaihlohna tizualtuah a puh bawk. 

Sorkar chuan ramchhung hmun hrang hranga supermarket-ah finger scanner 20,000 dah a tum. Hei hian mi pakhatin tam tham tak a lei ṭhin a ven bakah, ei tur lei tura mipuite innekbuai ṭhin pawh a tiziaawm phah dawn a ni, tiin President chuan a sawi. 

Nikum chhung khan Venezuela ramah hian nitin khawsakna atana mamawh hrang hrangte indaihloh tawk loh avangin supermarket-ah a lei duhte thui tak tak an intlar fo a, President Maduro chuan an indaihlohna chu dawr lian neitute ei tur an pawhpen ṭhin vang niin a sawi. 

Thla hmasa khan supermarket neitu eng emaw zat chu an thil zawrh lei tumte tana an dawr kawngkate hawng ṭha tawk loa puhin man an lo ni tawh bawk. 

President Maduro chuan sorkarin a man tlawma a bithliah bungrua hrang hrangte chu Colombia sumdawngte'n leikhawmin, ramri kaltlangin an tawlhru ṭhin tiin a puh bawk.

Share this Post