Nizung chakna hmanga thlawhtheihna siam, Solar Impulse-2 chu nimin khan Abu Dhabi aṭangin Muscat, Oman pana thlawh chhuah tir a ni. 

Solar Impulse-2 hi thla nga chhung khawmual hrang hrangah thlawh kual tir a ni ang. 

Single-seater thlawhtheihna hi Andre Borschberg-a'n a khalh a, Abu Dhabi ram sanaa zing dar 7.12-ah a thlawk chhuak a ni. Ram hrang hrangah a chawl dawn a, a chawlhna apiangah a khawlte enfiah a nih bakah, clean techology chungchangah campaign a nei nghal zel dawn a ni. 

A thlawh chhuah hmaa chanchin thar lakhawmtute a kawmnaah, Borschberg chuan, "Thlawhtheihna special tak a ni a, ni nga leh zan nga chhung kan thlawh pawh a ngaih chang a awm maithei a, chona phurhawm tak a ni," a ti. Nimin khan Solar Impulse-2 hi darkar 12 chhung thlawkin km 400 chuanga thui a thlawk a ni.

Solar Impulse-2 hi a thla hmawr leh thla hmawr inkar hi meter 72-a  ni a, jumbo jet aiin a zau zawk. Kg 2,300 chauha rit niin a rih zawng hi car pangngai nen a inbuk tawk vel a ni. A thlaah hian solar cell 17,248 dah a ni a, renewable energy hman theih electric motor dah a ni. Zan lamah a thlawh laiin lithium-ion battery te a hmang dawn a ni.

Share this Post