Japan lal ram hun bi thar hming puang

Japan chuan an lal rorelna hunbi thar, May 1 aṭanga inṭan tur chu "Reiwa" tih a ni dawn tih a puang a, hei hi lal rorelna tluang taka a kalna leh inremna entirna a nih thu a sawi nghal bawk. 

Tuna lal rorelna hunbi an hman mek hi Heisei tih a ni a, he hunbi hi tun thla tawpa Empepor Akihito a ban hunah a tawp dawn a ni. Japan lal-te hi an lal chhung hunbi sawina hming hi siamsak vek an ni. 

Chief Cabinet Secretary Yoshihide Suga chuan lal rorelna hunbi thar tur hming hi nimin khan board-a ziakin a puang a ni. Prime Minister Minister Shinzo Abe chuan a awmzia a hrilhfiah nghal bawk. 

Japan sorkar chuan kum 2017 December thla khan an lal, kum 85 mi emperor Akihito chu kum 2019 April thlaah a a kum upa avangin lal a nihna aṭangin a bang dawn a, lalṭhuthleng chu a fapa Crown Prince Naruhito hnenah a hlan tawh dawn tih a lo puang tawh a ni. Akihito hi Japan chanchinah kum 200 chuang chhunga lal nihna bansan awmchhun a ni ang.