Thailand Lal-in Shinawatra hnena chawimawina a hlan tawh hlih sak

Thailand Lal King Maha Vajiralongkorn chuan an ram prime minister hlui leh ramdanga tlanchhe mek, Thaksin Shinawatra hnena chawimawina a lo hlan tawh chu hlihsak a nih thu Inrinni khan a puang. 

Thaksin Shinawtra hi ram tana a hnathawh ṭhat avangin "illustrious order of Chula Chom Klao" hlan alo ni tawh a ni. Mahse lal chuan thuchhuah siamin, Surpreme Court hnuaia Criminal Division for Political Office Holders chuan Shinawatra hi eiruk thubuaiah thiam loh chantir a, jail tang tura hremna a lo pek tawh avang leh, thil dik tawk lo tia puhna dang hrang hrang a tawh hnua Thailand ram aṭanga a tlanchhiat avangin chawimawina lo hlan tawh hi hlihsak turin a ti a ni. 

March 24-a Thailand ram inthlanpui neih takah khan Shinawatra thlawptu, Phu Thai party chu a che ṭha hle a, sipai thlawp Phalang Pracharat party nen sorkar siamtu zawk nih an inchuh mek a ni. Mahse inthlan result kimchang hi tihchhuah a la ni lo thung.