US-in visa diltute hnenah Social media details phut
US chuan dan an siam thar hnuaiah an rama zin tum, visa diltute chu an social media details a phut tel zel tawh dawn.
State Department regulation chuan an rama zin tum visa diltute chuan social media-a an indah dan, an email address leh an phone number-te an thehluh tel zel a ngai tawh dawn tih a sawi a ni. He dan thar hi nikuma rawt tawh kha a ni a, mi maktaduai 14.7 vel kumtinin a nghawng dawn nia sawi a ni bawk.
Mahse hei hian sorkar thuneitute leh visa diltu official pawimawh ṭhenkhatte erawh a huam dawn lo thung. Mahse US-a zin tur, lehkha zir tur leh hnawthawkte erawh a huam vek dawn a ni. State department thuchhuah chuan ramdang mi an rama zin thlawp tho chung si a, US khua leh tuite humhim dan kawng chu an zawng reng tih a sawi.
A hma kha chuan terrorist-te'n an thunun ram aṭanga zin turte chauhin heng data hi an thehluh a ngai a, mahse tunah chuan visa diltu zawng zawng chuan social media platform an hman zawng zawngte nen lam an thehluh a ngai tawh dawn a ni.