Came-roon-ah zirlai leh zirtirtu 100 chuang rubo

Cameroon-a English ṭawng hmanna, Anglophone bialah kar kalta Inrinni khan private college-a zirlai leh zirtirtu 100 chuang rukbo an ni. 

School offiical-te chuan a tirah zirlai 11 leh zirtirtu pathum rukbo an ni tih an sawi a, mahse an chhuichian hnuah mi 100 chuang rukbo an ni tih hriat leh a ni. School-a senior administrator Rev. Oliver Shey chuan zirlai rukbo zinga a tam zawk chu hmeichhia an ni tih a sawi. A rubotute leh khawi lamah nge hruai an nih tih an la hriat theih loh thu sawiin, a rubotute hian school thuneitute hi an la be pawp lo tih a sawi. 

Anglophone-a bial pahnih, Nortwest leh Southwest-ah hian hel pawlte chuan kum 2017 November aṭang khan  independence sualin sorkar sipaite nen an inbei fo a ni. Helte hian he bial chhunga school-te chu khar turin thupek pawh an lo tichhuak tawh a, school inhawng lui 100 chuang zet an halsak tawh bawk.