US Congresswoman-in thupha a chawi

US Congress-a Muslim hmeichhe member pahnih awm zinga pakhat, Ilhan Omar chuan a twitter-a Israel chungchang a sawi dan avangin thupha a chawi. 

Ilhan Omar-i hian Pathianni zan khan a twitter-ah US-in Israel a puihna chhan chu Israel thlawptu pawlten sum hmanga an vur vang niin a sawi a ni.

Somali refugee hlui, Omar-i hian US politician-ten Israel an thlawpna chhan chu American-Israel Public Affairs Committee in sum an pek vang niin a sawi. Hei hi roreltu dangte pawhin na takin an sawisel nghal a, House Speaker Nancy Pelosi chuan Omar-i chu  Juda huatna lam hawi, thu belhchian dawl lo a sawi avang hian thupha chawi nghal turin a ti a ni. Omar-i telna, House Foreign Affairs Committee chairman Democrat Eliot Engel pawhin Congress member zinga mi ngeiin Juda thliar hranna lam hawi thu a chhakchhuak chuan a ṭhawng hle tih a sawi bawk. 

Preident Donald Trump pawhin Omar-i chu a thiltih avang chuan a zak hle tur a ni tiin, a thu ziah duh dan chu thil ṭha lo tak a ni tiin a ngaihdam dilna pawh a ṭha tawk loa a ngaih thu a sawi.