Warsaw-ah Middle East Conference hmang

Poland khawpui, Warsaw-ah nimin khan ni hnih awh tur Middle East Conference neih a ni. He conference-ah hian ram 80 aiawh an tel a, Middle East ram 11 pawh an tel a ni. 

Middle East conference hi US sorkar huaihuawt a ni a, Arab ramte leh Israel a sawm a, Iran erawh sawm tel a ni lo. Israel Prime Minister Benjamin Netanyahu chuan conference-a tel tur hian Thawhlehni zan khan Warsaw a pan.  

Conference-ah hian US Vice President Mike Pence chuan thu a sawi dawn a, US President Donald Trump-a makpa leh a adviser, Jared Kushner pawh vawiin hian a tel rin a ni. 

Hetihlai hian Pales-tinian Authority chuan conference-a tel tura sawmna hi a hnawl tung a, Arab ram dangte pawh tel lo turin a ngen. He conference-in a tum ber tur chu Israel leh Arab ram inkar boruak siamṭhat a ni tih sawiin, Palestinian Authority chuan Israel leh Palestine ram dinna tura inremna siam a nih phawt loh chuan Israel hi thawhpui lo turin a duh a ni.