Israel-in Jerusalem area-ah Apartheid Road a hawng

Kum eng emaw chen tihkhawtlai a nih hnuah Israel chuan Jerusalem area-a a kawngpui siam, Route 4370 chu a hawng ta. 

He kawngpui  hian Geve Binyamin-a Juda-te chenna hmun a pawh a, Jerusalem-Tel Aviv highway, French Hill leh Naomi Shemer Tunnel inkar, Mount Scopus panna chu a pawh bawk a ni. Kawngpuiah hian a lai daidanna, meter riat-a sang bang a awm avangin 'Apartheid Road' tia sawi a ni. Kawngpui  khawthlang lam, Palestinian-te hman hian Jerusalem khawpui helin a chhung a lut lo a, hetihlai hian a khawchhak lam Juda-te hman aṭang hian awlsam takin French Hill leh Mount Scopus-te a kalpawh theih bakah, Jerusalam khawpui pawh awlsam takin an lut chhuak thei bawk. 

West Bank-ah kawng peng hrang hrang awm mah se, Route 4370 anga kawngpui tluana bang hmanga ṭhen hi an awm lo thung. He kawng hi kum sawm kaltaa siam ni tawh mah se checkpoint chungchangah sipai leh police-te inrem theih loh avangin hawn loha dah a ni.