China-in South China Sea-ah military exercise nei dawn

China chuan tun kar chhung hian South China Sea-ah military exercise a nei dawn tih a sawi. 

China leh a ṭhenawm ramten an inchuh buai fo, South China Sea-ah kar liam ta Inrinni khan US aircraft carrier, USS Theodore Roosevelt a luh avangin China chuan  na takin a lo sawisel tawh a ni. Hetih lai hian US military lam chuan USS Theodore Roosevelt kaihhruaiin lawng rual chuan 'freedom of the seas' chawinun nan South China Sea hi an lut tih an sawi thung. 

South China Sea pum hi neituah China hi a inchhal a, military base-te siamin coastguard-te pawh a dah belh zel a ni. Mahse a ṭhenawm ram, Vietnam, Malaysia, Philippines, Brunei bakah Taiwan-te chuan neitu nihna  hi an inchhal ve a, an intibuai fo a ni.