Hmeichhia leh mi hang zinga VP ni thei hmasa ber

Vice President atana lakluh, Kamala Devi Harris chu hmeichhia leh mi hang zingah US Vice President ni thei hmasa ber a ni. Asian-American zingah Vice President ni thei hmasa ber a ni bawk.

Kum 56 mi, Harris-i nu leh pa hi US-a pem lut ve ve niin, a nu Indian, a pa Jamaican a ni. A pasal Dough Emhoof chu lawyer niin,  US 'second-gentleman' ni hmasa ber a ni. 

Vice President a­tana lakluh a nih hnua thu a sawiah, Kamala Harris chuan an rama tualchhung buaina awm mek chu titawp tawh turin America mipuite a ngen a, inthlan dawna a tana theihtawpa beitute tana a thawk ang bawkin, amah thlawp lote tan pawh a thawk dawn tih a sawi. America mite chuan suangtuahna ringawt nei loin a takin an ti a, thil awmte an hmu ni ringawti loin engnge awm thei tur an hmu thei a ni, a ti. Mi huaisen, tumruh leh hlauh nei lo an ni tiin a sawi.