
Brazil President-in kar khata hnathawh ni tihtlemna tur dan pawm
Brazil president Luiz Inacio Lula da Silva chuan kar khata hnathawh hun, ni ruk ni ṭhin ni ngaa tihtlemna tur, five-day workweek dan chu Ningani khan pawmin a hming a ziah hnan.
October thla khan hnathawh ni zat tur siamṭhatna hi Congress chuan a lo pawm tawh a ni. Kar khat chhunga hnathawh hun chhung bithliah thar hi kumin December 16 aṭanga hmang ṭanin, darkar 44 aṭangin darkar 42 ah tihtlem a ni ang a, nakkum December 16 aṭangin darkar 40 ah tihhniam leh a ni ang.
Brazil-ah dan hman mekah, hnathawktu mi mtd 14.8 te chuan kar khatah ni ruk chhung hna thawkin ni khat chauh chawlh a awm ṭhin. Hetih lai hian hnthawktu dang mtd 21.7 vel chu kar khatah ni nga hna thawkin, an hnathawh darkar 44 ah bihthliah a ni thung. Dan siamṭhatah hnathawh ni hi tihtlem ni mah se, hlawh erawh tihhniam a ni dawn lo tih labor and employment minister Luiz Marinho chuan a sawi.
President Lula chuan hnathawktute chuan chawlh hahdam a, an chhungte leh ṭhianṭhate nena hun hmante an mamawh a ni tiin, hahchawlh hun neih chu a bikin in lam enkawltu ni bawk, hmeichhiate an mamawh zual a ni, a ti. Hnathawh hunbi thar siam chu an ram mipui hmasawnna atan pawh a pawimawh thu a sawi a ni.