Xi, Trump leh Putin ten meeting nei

Khawvela ram hruaitu langsar pathum, China president Xi Jinping, Russia president Vladimir Putin leh USA president Donald Trump-te chu nimin khan Shenzhen, China-a Asia-Pacific Economic Cooperation (APEC) summit neih kar lakah an inkawm.

Ram pathumte khawvel huapa boruak nei tak an ni a, a hmain hruaitu pathumte hian official-a meeting an la neih ho loh avangin tun ṭuma an meeting neih tur hian ngaihven a hlawh hle. Mahse, meeting-a an sawi ho tur chungchang hi sawichian lawk a ni lo a, mahse Ukraine, Iran, nuclear programme, insumdawn tawnna leh AI chungchang chu an sawi ho tur zingah a tel rin a ni.

A huhoa meeting an neih hmain Trump chuan Xi leh Putin te a hran ve venin a kawm bawk. Trump chuan Putin nena an inkawm hnuah Putin chu a ṭhian a ni tih sawiin, boruak ṭha tak hnuaiah an inkawm thu a sawi. Xi nen pawh meeting ṭha tak an neih thu leh, US leh China chuan Russia-Ukraine indona chu tawp tawh se an duh ve ve tih a sawi bawk a ni.