ASEAN lakah Myanmar hruaitu a lawm lo

Myanmar sipai thlawp sorkar hotu, president Min Aung Hlaing chuan Association of Southeast Asian Nations (ASEAN) in bloc summit neihah a tel an khap avanga a lawm loh thu sawiin, a kaihhruai sorkar chuan ASEAN nena an inzawmna chu a ngaihtuah ṭha dawn tih a sawi.

ASEAN hian kum 2021-a Myanmar sipaiten civil sorkar thuneihna an hnehchhuh hnua tualchhung buaina thlengah remna leh muanna a awm theihna atana hma lakna tur point 5 an siam a; mahse, hei hi Myanmar sorkar chuan a zawm lo nia sawiin regional summit neihah Myanmar ram aiawh turin president leh hi an tel an khap a ni. ASEAN-ah hian Myanmar hi member ni mah se, pawl hruaitute chuan an ram boruak siamṭha a, remna leh muanna a awm theihna tura hma la ṭha tawk loah puhin hrekna hi an siam a, summit-a Myanmar aiawh tur hian president bakah high-level official an tel an remti lo.

Min Aung Hlaing chuan an ram lakah ASEAN thuchhuah siam dan chu awmze nei lo a ni tiin, pawl thuchhuak ni loa hruaitu ṭhenkhat ngaihdan anga kal nia an lan thu a sawi.