Myanmar sorkarin Germany palai thu zawtfiah dawn

Myanmar Ministry of Foreign Affairs chuan an rama Germany embassy-a head of mission, Matthias Licharz chu Facebook-a video a tihchhuah chungchangah thu an zawtfiah dawn. Licharz hian video-ah a tihchhuahah Myanmar thuneitute chu Aung San Suu Kyi telin, politician mante chu thudelhkilh engmah awm loa chhuah zalen vek turin a phut a ni.

Ministry chuan hemi chungchangah hian thuchhuah siamin, Mathias Licharz video chu an hnathawh mekna ram sorkar dodal tura eptu lam fuihna, ram chhunga buai chawh chhuah theihna tur a ni, an ti.

Licharz hian he video hi Pathianni khan a Facebook-ah a post a, kum 2021-a sipaiten an paithlak tak, civil sorkara president, Win Myint chenna in hlui, Yangon pawnah dingin thu hi a sawi a ni. Hemi ni hi Win Myinth piancham vawi 74-na a ni a, United Nations chuan Myanmar ram president atana dan anga taka thlan tlina a pawm thu a sawi. Kum 2021-a sipaiten civil sorkar an paihthlak hnuah, sorkara mi pawimawh hrang hrangte man an ni a, Win Myint pawh hi tun thlengin jail-ah a la tang a ni.