Spain Parliament-in housing reform bill a pawm

Spain rama in luah man leh sak man sang bakah ei leh bar man sang zel avanga khawsak hautak chho zel avanga ram pum huapa nawrh huaihawt a nih hnuah, Spain Parliament chuan housing reform bill chu Ningani khan a pawm.

Bill-ah hian in luahtute chhuahtir dan leh, real estate chungchanga khapna dante siam a ni a, hei hi in luah man tlawm zawka siam a nih theihna atana hma lakna a ni. Parliament hian pawm mah se, tun thla tawp lama inthlanpui an neih dawn avangin sorkar thar siamtu kutah he dan kalpuina tur hi a innghat dawn a ni.

Hetih lai hain eptu party lian ber, conservative Popular Party chuan left-wing sorkar ruahmanna siam hi an thlawp lo tih sawiin, sorkarna an siam a nih chuan an hnawl tur thu an sawi. PP chuan thuneihna an chang thei a nih chuan, in thar maktaduai khat sak a, real estate development tan chhiah tihniam a, lehkha pawimawh buaipui buaithlak tak chu tihziaawm an tum tih an sawi.

Sorkar hian Ocotber thla khan housing reform hi kalpui a lo tum tawh a, mkahse PP bakah conservative party dangten an hnawl a ni. Hei vang hian prime minister Pedro Sanchez chuan inthlanpui an neih tur chu a hun hma, tun thla tawp lamah neih turin a puang zui a ni.