Israel eptu pawlten PM candidate atan Eisenkot an thlawp

Israel-a eptu pawlte chuan Yashar party hruaitu, Gadi Eisenkot chu prime minister candidate atan an pawm a, president Isaac Herzog hnenah an thutlukna hi an thlen dawn a ni.

Thawhlehnia Herziya-a meeting an neihah, eptu pawl hruaitute prime minister Benjamin Netanyahu kaihhruai sorkar chu thlak a, ṭangrual sorkar thar din tura a inlungrual thu an sawi a ni. Meeting-ah hian Eisenkot bakah B'Yachad hruaitu Naftali Bennett leh Yair Lapid, Yisrael Beytenu hotu Avigdor Liberman leh Democrats chairman Yair Golan te an tel.

Eptu hruaitute hian President hennah rawtna thlen a, sorkar thar siam tura Eisenkot chu sawm hmasa tura thlen an tum tih an sawi. Inthlan nawn a ngaih lohna turin sorkar thar chu a rang thei ang bera siam an duh thu an sawi bawk. Ṭangrual pawl chuan inthlan result chuan ram hruaitu thlak a ṭulzia a entir a ni tiin, Eisenkot-a duan dan panga hmangin 'Zionist sorkar' din an tiam bawk. PM Netanyahu-a'n inthlan result a dik tawk lo nia khin a tum nia sawi chu an dem thu sawiin, a thiltih chu election lam hotute beihna a ni tel a ni, an ti.

Israel ram inthlanpui neih zawh takah khan parliament, Knesset-a seat 120 awmah Netanyahu-a kaihhruai right-wing ṭangrual chuan seat 53 lain, Eisenkot kaihhruai ṭangrual pawl chuan seat 48 an la a ni. Sorkarna siam tur hian seat 61 neih tlin a ngai a ni.